Joachim Du Bellay

 

 

L'Olive augmentee depuis la premiere edition.
La Musagnoeomachie & aultres oeuvres poëtiques

 

Text
Editionsbericht
Literatur

 

Au lecteur.

 

COMBIEN que j'aye passé l'aage de mon enfance & la meilleure part de mon adolescence assez inutilement lecteur, si est-ce que par je ne sçay quelle naturelle inclination j'ay tousjours aimé les bonnes lettres: singulierement nostre poësie françoise, pour m'estre plus familiere, qui vivoy' entre ignorans des langues estrangeres. Depuis la raison m'a confirmé en cete opinion: considerant que si je vouloy' gaingner quelque nom entre les Grecz, & Latins, il y fauldroit employer le reste de ma vie, & (peult estre) en vain: etant ja coulé de mon aage le temps le plus apte à l'etude: & me trouvant chargé d'affaires domestiques, dont le soing est assez suffisant pour dégouter un homme beaucoup plus studieux que moy. Au moyen de quoy, n'ayant ou passer le temps, & ne voulant du tout le perdre, je me suis volontiers appliqué à nostre poësie: excité & de mon propre naturel, & par l'exemple de plusieurs gentiz espritz françois, mesmes de ma profession, qui ne dedaignent point manier & l'epée & la plume, contre la faulse persuasion de ceux, qui pensent tel exercice de lettres deroger à l'estat de noblesse. Certainement lecteur, je ne pouroy' & ne voudroy' nier, que si j'eusse ecrit en grec, ou en latin, ce ne m'eust esté un moyen plus expedié pour aquerir quelque degré entre les doctes hommes de ce royaume: mais il fault que je confesse ce que dict Ciceron en l'oraison pour Murene. Qui cùm cytharædi esse non possent, & ce qui s'ensuit. Considerant encores nostre langue estre bien loing de sa [A3v] perfection, qui me donnoit espoir de pouvoir avecques mediocre labeur y gaingner quelque ranc, si non entre les premiers, pour le moins entre les seconds, je voulu bien y faire quelque essay de ce peu d'esprit, que la Nature m'a donné. Voulant donques enrichir nostre vulgaire d'une nouvelle, ou plus tost ancienne renouvelée poësie, je m'adonnay à l'immitation des anciens Latins, & des poëtes Italiens, dont j'ay entendu ce, que m'en a peu apprendre la communication familiere de mes amis. Ce fut pourquoy à la persuasion de Jaques Peletier je choisi le Sonnet, & l'Ode, deux poëmes de ce temps la (c'est depuis quatre ans) encores peu usitez entre les nostres: étant le Sonnet d'Italien devenu François, comme je croy, par Mellin de Sainct Gelais: & l'Ode, quand à son vray, & naturel stile representée en nostre langue par Pierre de Ronsard. Ce que je vien de dire, je l'ay dict encores en quelque autre lieu, s'il m'en souvient: & te l'ay bien voulu ramentevoir, lecteur, afin que tu ne penses, que je me vueille attribuer les inventions d'autruy. Or afin que je retourne à mon premier propos, voulant satisfaire à l'instante requeste de mes plus familiers amis, je m'osay bien avanturer de mettre en lumiere mes petites poësies: apres toutesfois les avoir communiquées à ceux que je pensoy' bien estre clervoyans en telles choses, singulierement à Pierre de Ronsard, qui m'y donna plus grande hardiesse, que tous les autres: pour la bonne opinion que j'ay tousjours eue de son vif esprit, exacte sçavoir, & solide jugement en nostre poësie françoise. Je n'ay pas icy entrepris de respondre à ceux, qui me voudroient blasmer d'avoir precipité l'edition de mes œuvres: & comme on dict avoir trop tost mis la plume au vent. Car si mes ecriz sont bons, ma jeunesse ne leur doibt oster leur louange meritée. S'ilz ne sont telz, elle doibt pour le moins leur servir d'excuse: d'aultant que si [A4r] j'ay faict en cet endroit quelque acte de jeunesse, je n'ay faict si non ce que je devoy'. Pour le moins ce m'est une faulte commune avecques beaucoup d'autres meilleurs espriz que le mien. Je ne suis tel, que je vueille blâmer le conseil d'Horace, quand à l'edition des poëmes: mais aussi ne suis-je de l'opinion de ceux, qui gardent religieusement leurs ecriz, comme sainctes reliques pour estre publiez apres leur mort: sçachant bien que tout ainsi que les mors ne mordent point, aussi ne sentent-ilz les morsures. Cete conscientieuse difficulté lecteur, n'estoit ce qui me retardoit le plus en la premiere edition de mes ecriz. Je craignoy' un autre inconvenient, qui me sembloit avoir beaucoup plus apparente raison de future reprehension. C'est, que telle nouveauté de poësie pour le commencement seroit trouvée fort etrange, & rude. Au moyen de quoy, voulant prevenir cete mauvaise opinion, & quasi comme applanir le chemin à ceux qui excitez par mon petit labeur voudroient enrichir nostre vulgaire de figures, & locutions estrangeres: je mis en lumiere ma Deffence & Illustration de la langue Françoise: ne pensant toutefois au commencement faire plus grand œuvre qu'une epistre, & petit advertissement au lecteur. Or ay je depuis experimenté ce qu'au paravant j'avoy assez preveu c'est, que d'un tel œuvre je ne rapporteroy, jamais favorable jugement de noz rethoriqueurs Françoys: tant pour les raisons assez nouvelles, & paradoxes introduites par moy en nostre vulgaire, que pour avoir (ce semble) hurté un peu trop rudement à la porte de noz ineptes rimasseurs. Ce que j'ay faict, lecteur, non pour aultre raison, que pour eveiller le trop long sillence des cignes: & endormir l'importun croassement des corbeaux. Ne t'esbahis donques si je ne respons à ceulx, qui m'ont apellé hardy repreneur: car mon intention ne feut onques d'auctorizer mes petiz œuvres par la reprehension de telz gallans [A4v] Si j'ay particularizé quelques ecriz, sans toutefois toucher aux noms de leurs aucteurs, la juste douleur m'y a contrainct voyant nostre langue quand à sa nayfve proprieté si copieuse, & belle estre souillée de tant de barbares poësies, qui par je ne scay quel nostre malheur plaisent communement plus aux oreilles françoises, que les ecritz d'antique, & solide erudition. Les gentilz espris, mesmes ceulx, qui suyvent la court, seule escolle, ou voluntiers on apprent à bien, & proprement parler, devroient vouloir pour l'enrichissement de nostre langue, & pour l'honneur des espriz françois, que telz poëtes barbares ou feussent fouettez à la cuysine, juste punition de ceulx, qui abusent de la pacience des Princes, & grands Seigneurs par la lecture de leurs ineptes œuvres: ou (si on les vouloit plus doucement traicter) qu'on leur donnast argent pour se taire, suyvant l'exemple du grand Alexandre, qui usa de semblable liberalité en l'endroict de Cherille poëte ignorant. Certes j'ay grand'honte, quand je voy' le peu d'estime que font les Italiens de nostre poësie en comparaison de la leur: & ne le treuve beaucoup etrange, quand je considere que voluntiers ceulx qui ecrivent en la langue Toscane, sont tous personnaiges de grand' erudition: voire jusques aux Cardinaux mesmes, & aultres seigneurs de renom, qui daignent bien prendre la peine d'enrichir leur vulgaire par infinité de beaux ecriz: usant en cela de la diligence, & discretion familiere à ceulx, qui legerement n'exposent leurs conceptions au publique jugement des hommes. Pense donques je te prie, lecteur, quel prix doivent avoir en l'endroict de celle tant docte, & ingenieuse nation Italienne les ecriz d'ung petit Magister, d'un Conard, d'un Badault, & aultres mignons de telle farine, dont les oreilles de nostre peuple sont si abbreuvées, qu'elles ne veulent aujourd'huy recevoir aultre chose. Je suis certain que tous lecteurs de bon jugement prendront ce, que je [A5r] dy, en bonne part: veu que je ne parle du tout sans raison. Au fort si nos petiz Rimeurs s'en trouvoint un peu fachez, je leur conseilleroy' de prendre pacience: considerant que je ne suis ung Aristarque, ou Aristophane, dont la grave censure doive oster leurs ecriz du rôle de noz poësies: ou retarder leurs aucteurs de mieux faire à l'advenir. Aussi leur mescontentement ne me doit rompre ma deliberation, qui par veu solennel me suis obligé aux Muses, de ne mentir jamais (que je le puisse entendre) ni en vin, ni en poësie Toutefois je ne veux pas du tout estre juge si severe, & incorruptible en matiere de poësie, que je suyve l'heresie de celuy qui disoit MITTE ME IN LAPICIDINAS. Quelques uns se plaignent de quoy je blâme les traductions poëtiques en nostre langue, dont ilz ne sont (disent-ilz) illustrateurs ny gaigez ny renommez. Aussi ne suis-je. Mais s'ilz n'alleguent aultre raison, je n'y feray point de response. Encores moins à ce qu'ilz disent, que j'ay reservé la lecture de mes ecriz à une affectée demy-douzaine des plus renommez poëtes de nostre langue. Car je n'avoy' entrepris de faire un catalogue de tous les aultres, mesmes de ceulx, qui ne m'etoient conneuz ny à leurs noms, ny à leurs œuvres. Ceux, dont je ne cherche point les applaudissemens, ont occasion de gronder. Aussi me plaisent leurs aboys: car je n'en crain' gueres les morsures. Je fonde encor' (disent ilz) l'immortalité de mon nom sur moindre chose que leurs escritz: dont toutefois ilz ne pretendent aucune louange. Ce n'est à eulx, ny à moy à juger de nostre cause: qui (dieu mercy) n'est de telle importance, que la court y doibve estre longuement embesongnée. Aussi n'ay-je pas fondé mon advancement sur telles magnifiques comparaisons. Si en mes poësies je me loüe quelques fois, ce n'est sans l'imitation des anciens: & en cela je ne pense avoir encor' esté si excessif, que j'aye pour illustrer le mien, offensé l'hon[A5v]neur de personne. Et puis je me vante d'avoir inventé ce, que j'ay mot à mot traduit les aultres. A peu que je ne leur fay la responce, que fist Virgile à un quiddam Zoile, qui le reprenoit d'emprunter les vers d'Homere. J'ay (ce me semble) ailleurs assez deffendu l'immitation. C'est pourquoy je ne feray longue response à cet article. Qui vouldroit à ceste ballance examiner les escritz des anciens Romains, & des modernes Italiens: leurs arrachant toutes ces belles plumes empruntées, dont ilz volent si haultement: ilz seroint en hazard d'estre accoutrez en corneille Horacienne. Si par la lecture des bons livres, je me suis imprimé quelques traictz en la fantaisie, qui apres venant à exposer mes petites conceptions selon les occasions, qui m'en sont données, me coulent beaucoup plus facilement en la plume, qu'ilz ne me reviennent en la memoire: doibt on pour ceste raison les appeller pieces rapportées? Encor' diray-je bien, que ceulx, qui ont leu les œuvres de Virgile, d'Ovide, d'Horace, de Petrarque, & beaucoup d'aultres, que j'ay leuz quelquefois assez negligemment, trouverront, qu'en mes escriptz y a beaucoup plus de naturelle invention, que d'artificielle, ou supersticieuse immitation. Quelques ungs voyans que je finissoy', ou m'efforçoy' de finir mes Sonnetz par ceste grace, qu'entre les aultres langues s'est faict propre l'Epigramme françois, diligence qu'on peult facilement recongnoistre aux œuvres de Cassola Italien, disent pour ceste raison, que je l'ay immité, bien que de ce temps la il ne me feust congneu seulement de nom, ou Apollon jamais ne me soit en ayde. Je ne me suis beaucoup travaillé en mes ecriz de ressembler aultre que moymesmes: & si en quelque endroict j'ay usurpé quelques figures, & façons de parler à l'imitation des estrangers: aussi n'avoit aucun loy, ou privilege de le me deffendre. Je dy encores cecy lecteur, affin que tu ne penses que j'aye [A6r] rien emprunté des nostres, si d'avanture tu venois à rencontrer quelques epithetes, quelques phrases, & figures prises des anciens, & appropriées à l'usaige de nostre vulgaire. Si deux peintres s'efforcent de representer au naturel quelque vyf protraict, il est imposible qu'ilz ne se rencontrent en mesmes traictz, & lineamens, ayans mesme exemplaire devant eulx. Combien voit on entre les Latins immitateurs des Grecz, & entre les modernes Italiens immitateurs des Latins de commencemens, & de fins de vers, de couleurs, & figures poëtiques quasi semblables? Je ne parle poinct des orateurs. Ceulx qui voudront considerer le stile des Ciceroniens, ou aultres, ne trouverront estrange la ressemblance, qu'ont, ou pourront avoir les poëmes françois, si chacun s'efforce d'escrire par immitation des estrangers. Tous ars, & sciences ont leurs termes naturelz. Tous mestiers ont leurs propres outilz. Toutes langues ont leurs motz & loqutions usitées: & qui n'en voudroit user il se faudroit forger à part nouveaux artz, nouveaulx mestiers, & nouvelles langues. Ce que j'ay dict, cetuy ci la dict encor', et cetuyla: aussi les Muses n'ont restrainct, & enfermé en l'esprit de deux ou trois tout ce, qui se peut dire de bonne grace en nostre poësie. S'il y a quelques faultes en mes escritz, aussi ne sont tous les aultres parfaictz. Ceulx qui avecques raison me voudront faire ce bien de me reprendre, je mettray peine d'en faire mon profit. Car je ne suis du nombre de ceulx, qui ayment myeux deffendre leurs faultes, que les corriger. Mais si quelques ungs directement ou indirectement (comme on dict) me vouloient taxer non point avecques la raison, & modestie accoutumée en toutes honnestes controversies de lettres: mais seulement avecques une petite maniere d'irrision, & contournement de nez, je les adverty' qu'ilz n'attendent aulcune response de moy: car je ne veux pas faire tant d'honneur à telles bestes masquées, que je les estime [A6v] seulement dignes de ma cholere. Si quelques uns vouloient renouveler la farce de Marot, & de Sagon, je ne suis pour les en empescher: mais il fault, qu'ilz cherchent aultre badin pour jouer ce rôle avecques eux. Voyla ung petit desseing lecteur, de ce que je pouroy' bien respondre à mes calomniateurs si je vouloy' prendre la peine de leur tenir plus long propoz. Quand à ceux qui blasment en moy cet etude poëtique, comme totalement inutile, s'ilz veulent combatre contre la poësie, elle a des armes, pour se deffendre: s'ilz plaignent l'empeschement de ma promotion, je les remercie de leur bonne volunté. Ceux qui ayment le jeu, les banquetz & aultres menuz plaisirs, qu'ilz y passent & le jour, & la nuict si bon leur semble. Quand à moy, n'ayant aultre passetems de plus grand plaisir, je donneray vouluntiers quelques heures à la poësie. Et combien ce m'est un labeur peu laborieux, & coutumier, si ce n'est ou faisant quelque voiage, ou en lieu qui n'ait aultre plus joyeuse occupation, bien l'entendent ceux qui me hantent de familiarité. J'ayme la poësie, & me tire bien souvent la Muse (comme dict quelq'un) furtivement en son oeuvre: Mais je n'y suis tant affecté, que facilement je ne m'en retire, si la fortune me veult presenter quelque chose, ou avecques plus grand fruict je puisse occuper mon esprit. Je te prie donques amy lecteur, me faire ce bien de penser que ma petite muse telle qu'elle est, n'est toutefois esclave, ou mercenaire comme d'ung tas de rymeurs à gaiges: elle est serve tant seulement de mon plaisir. Je te prie encores ne trouver mauvais cet advertissement, ou t'ennuyer de sa longueur, comme oultrepassant les bornes d'une epistre: En recompence de quoy je te fay' present de mon Olive augmentée de plus de la moitié, & d'une Musagnoeomachie: c'est à dire la Guerre des Muses & de l'Ignorance. Ceux qui ne treuvent rien bon, si non ce qui sort de leur main, y trouverront à mordre en beaucoup de lieux: mesme en cet endroict [A7r] ou je fay mention de quelques scavans hommes de nostre France. Les uns diront que j'en ay laissé, que je ne devoy' pas oublier. Les aultres, que je n'ay pas gardé l'ordre: nommant quelques ungs les derniers, qui meritoient bien estre au premier ranc. Je n'ay qu'une petite response à toutes ces objections frivoles: c'est, que mon intention n'estoit alors d'ecrire une hystoire, mais une poësie. Et combien ce genre d'escrire est peu consciencieux en telles choses, je m'en rapporte seulement à ceux qui l'entendent. Mais pour quoy pren-je tant de peine lecteur, à preoccuper l'excuse de ce qui sera trouvé (peult estre) la moindre faulte de mes œuvres? J'ay tousjours estimé la poësie comme ung somptueux banquet, ou chacun est le bien venu, & n'y force l'on personne de manger d'une viande, ou boire d'un vin, s'il n'est à son goust, qui le sera (possible) a celuy d'un aultre. C'est encor' la raison pourquoy j'ay si peu curieusement regardé a l'orthographie: la voyant au jourdhuy aussi diverse, qu'il y a de sortes d'ecrivains. J'appreuve, & loue grandement les raisons de ceux, qui l'ont voulu reformer: mais voyant que telle nouveaulté desplaist autant aux doctes comme aux indoctes: j'ayme beaucoup mieulx louer leur invention que de la suyvre: pource que je ne fay pas imprimer mes œuvres en intention qu'ilz servent de cornetz aux apothequaires: ou qu'on les employe à quelque aultre plus vil mestier. Si tu treuves quelques faultes en l'impression tu ne t'en dois prendre à moy, qui m'en suis rapporté à la foy d'autruy. Puis le labeur de la correction est tel, singulierement en un œuvre nouveau, que tous les yeux d'Argus ne fourniroient à voir les faultes, qui s'i treuvent.

          ADIEU AMI LECTEUR.

 

 

 

 

Erstdruck und Druckvorlage

L'Olive augmentee depuis la premiere edition.
La Musagnoeomachie & aultres oeuvres poëtiques.
A Paris: On les vend au Palais es boutiques de Gilles Corrozet & Arnoul L'Angelier 1550.

Unpaginiert; A3r - A7r

Benutzt
Online-Ausgabe: Exemplar BnF RES- YE- 1735
URL: http://gallica.bnf.fr/ark:/12148/bpt6k707846

Die Textwiedergabe erfolgt nach dem ersten Druck (Editionsrichtlinien).
Die Unterscheidung:  i von j  u.  u von v  wurde eingeführt.

 

 

Kommentierte und kritische Ausgaben

 

 

 

Literatur

Balsamo, Jean (Hrsg.): Les Poètes français de la Renaissance et Pétrarque. Genève 2004.

Bates, Catherine / Cheney, Patrick (Hrsg.): The Oxford History of Poetry in English. Volume 4: Sixteenth-Century British Poetry. Oxford 2022.

Brandmeyer, Rudolf: Poetiken der Lyrik: Von der Normpoetik zur Autorenpoetik. In: Handbuch Lyrik. Theorie, Analyse, Geschichte. Hrsg. von Dieter Lamping. 2. Aufl. Stuttgart 2016, S. 2-15.

Buck, August u.a. (Hrsg.): Dichtungslehren der Romania aus der Zeit der Renaissance und des Barock. Frankfurt a.M. 1972 (= Dokumente zur europäischen Poetik, 3).

Castor, Grahame: La poétique de la Pléiade. Étude sur la pensée et la terminologie du XVIe siècle. Traduit de l'anglais par Yvonne Bellenger. Paris 1998 (= Bibliothèque littéraire de la Renaissance; série 3, 38).

Chevrolet, Teresa: L'impossible imitation: tradition et découverte dans quelques traités théoriques de la Renaissance. In: Sources et intertexte. Résurgences littéraires du Moyen Age au XXe siècle. Hrsg. von Loris Petris u.a. Neuchâtel 2000, S. 9-18.

Dauvois, Nathalie: Le sujet lyrique à la Renaissance. Paris 2000 (= Études littéraires; Recto-Verso).

Dauvois, Nathalie (Hrsg.): Renaissance de l'Ode. L'Ode française au tournant des années 1550. Paris 2007 (= Colloques, Congrès et Conférences sur la Renaissance Européenne, 57).

Duval, Edwin M.: Concordes et discordes des muses. Poésie, musique et renaissance des genres lyriques en France (1350-1650). Genève 2023.

Galand-Hallyn, Perrine u.a. (Hrsg.): Poétiques de la Renaissance. Le modèle italien, le monde franco-bourguignon et leur héritage en France au XVIe siècle. Genf 2001 (= Travaux d'Humanisme et Renaissance, 348).

Genette, Gérard: Paratexte. Das Buch vom Beiwerk des Buches. Frankfurt a.M. 2001 (= suhrkamp taschenbuch wissenschaft, 1510).

Goyet, Francis (Hrsg.): Traités de poétique et de rhétorique de la Renaissance. Sébillet, Aneau, Peletier, Fouquelin, Ronsard. Paris 1990 (= Le livre de poche, 6720).

Greene, Roland: The lyric. In: The Cambridge History of Literary Criticism. Bd. 3: The Renaissance. Hrsg. von Glyn P. Norton. Cambridge u.a. 1999, S. 216-228.

Guerrero, Gustavo: Poétique et poésie lyrique. Essai sur la formation d'un genre. Paris 2000 (= Poétique).

Huss, Bernhard / Mehltretter, Florian / Regn, Gerhard: Lyriktheorie(n) der italienischen Renaissance. Berlin 2012 (= Pluralisierung & Autorität, 30).

Jourde, Michel u.a. (Hrsg.): Le lexique métalittéraire français (XVIe-XVIIe siècles). Genève 2006 (= Cahiers d'humanisme et Renaissance, 77.

Kinney, Arthur F.: The Position of Poetry: Making and Defending Renaissance Poetics. In: A New Companion to English Renaissance Literature and Culture. Hrsg. von Michael Hattaway. Bd. 2. Malden, Mass. u.a. 2010, S. 15-27.

Krummacher, Hans-Henrik: Principes Lyricorum. Pindar- und Horazkommentare seit dem Humanismus als Quellen der neuzeitlichen Lyriktheorie. In: Ders., Lyra. Studien zur Theorie und Geschichte der Lyrik vom 16. bis zum 19. Jahrhundert. Berlin u.a. 2013, S. 3-76.

Langer, Ullrich: Lyric in the Renaissance. From Petrarch to Montaigne. Cambridge 2015.

Legrand, Marie-Dominique u.a. (Hrsg): Vocabulaire et création poétique dans les jeunes années de la Pléiade, 1547-1555. Paris 2013 (= Colloques, congrès et conférences sur le XVIe siècle, 1).

Lionetto, Adeline / Monferran, Jean-Charles (Hrsg.): Fleurs et jardins de poésie. Les anthologies poétiques au xvie siècle (domaine français, incursions européennes). Paris 2021 (=   collection "Rencontres").

Mathieu-Castellani, G.: Les modes du discours lyrique au XVIe siècle. In: La Notion de genre à la Renaissance. Hrsg. von G. Demerson. Genève 1984, S. 129-148.

Melehy, Hassan: The Poetics of Literary Transfer in Early Modern France and England. Surrey 2010.

Monferran, Jean-Charles: A propos de la constitution du genre de l'Ode. Les définitions de l'ode française avant Ronsard. In: Renaissance de l'Ode. L'Ode française au tournant des années 1550. Hrsg. von Nathalie Dauvois. Paris 2007 (= Colloques, Congrès et Conférences sur la Renaissance Européenne, 57), S.  19-52.

Monferran, Jean-Charles: L'école des Muses. Les arts poétiques français à la Renaissance (1548-1610). Sébillet, Du Bellay, Peletier et les autres. Genève 2011 (= Les seuils de la modernité, 12).

Monferran, Jean-Charles (Hrsg): La Muse et le Compas: poétiques à l'aube de l'âge moderne. Anthologie. Paris 2015.

Naïs, Hélène: La notion de genre en poésie au XVIe siècle: étude lexicologique et sémantique. In: La Notion de genre à la Renaissance. Hrsg. von G. Demerson. Genève 1984, S. 103-127.

Nazarian, Cynthia: Du Bellays Petrarchan politics. Violence and imitation in the "Olive" and the "Deffence". In: The Modern Language Quarterly 74 (2013), S. 1-27.

Plett, Heinrich F.: Gattungspoetik in der Renaissance. In: Renaissance-Poetik = Renaissance poetics. Hrsg. von Heinrich F. Plett. Berlin u.a. 1994, S. 147-176.

Plett, Heinrich F.: Rhetoric and Renaissance Culture. Berlin 2004.
S. 152-177: Dispositio Poetica. The Rhetorical Conceptualization of Poetic Genres.

Rigolot, François: Esprit critique et identité poétique: Joachim Du Bellay préfacier. In: Du Bellay. Actes du Colloque International d'Angers du 26 au 29 Mai 1989. Hrsg. von Georges Cesbron. Bd. 1. Angers 1990, S. 285-300.

Spies, Marijke: Rhetoric, Rhetoricians, and Poets. Studies in Renaissance Poetry and Poetics. Amsterdam 1999.

Till, Dietmar u.a.: Art. Poetik. In: Historisches Wörterbuch der Rhetorik. Bd. 6. Tübingen 2003, Sp. 1304-1393.

Till, Dietmar: Poetik in der frühen Neuzeit (Italien – Frankreich – Deutschland). In: Grundthemen der Literaturwissenschaft: Poetik und Poetizität. Hrsg. von Ralf Simon. Berlin u. Boston 2018, S. 104-125.

Vignes, Jean (Hrsg.): "La Deffence" et "L'Olive". Lectures croisées. Paris 2008.

Zymner, Rüdiger (Hrsg.): Handbuch Gattungstheorie. Stuttgart u. Weimar 2010.

 

 

Edition
Lyriktheorie » R. Brandmeyer